Malesa transmití seksualmente, konosí komo soa tambe, ta malesa ku bo por haña pa medio di kontakto seksual. Ehèmpelnan ta klamidia, gonorea, hiv i sífilis.
Kiko Salubridat Públiko ta hasi?
- Salubridat Públiko a kuminsá ku konsulta di salú seksual. Akí bo por haña informashon i hasi pregunta tokante amor, sèks, relashon òf antikonsepshon. Tambe bo por hasi un tèst grátis i anónimo di soa. Nos enfermera(o)nan ta papia papiamentu, hulandes, spañó i ingles. Nos ta traha for di djaluna te ku djabièrnè di 08.00 or pa 17.00 or. Bo por yama òf manda whatsapp pa pregunta òf pa traha un sita na un di nos ubikashonnan:+599 790 73 73
- Salubridat Públiko a pone mashin di kondon na nos isla, kaminda den forma anónimo bo por kumpra kondon pa $ 0.50 pa unu. E sitionan kaminda tin mashin di kondon bo ta haña riba e wèpsait akí: Openbaar Lichaam Bonaire: Kondon Kuné
- Komo Salubridat Públiko nos ta haña importante pa tur hende tin akseso na bon informashon tokante salú seksual. Akinan bo ta haña informashon konfiabel tokante malesa transmití seksualmente, seksualidat i relashon: https://curlovecare.com/
- Salubridat Públiko ta hasi investigashon tambe di presensia di malesa transmití seksualmente na Boneiru. Salubridat Públiko ta vigilá kuantu biaha e infekshonnan akí ta aparesé na nos isla. Pa esaki nos ta usa dato di laboratorio, dòkternan di kas i hòspital. Di e manera akí nos por mira si malesa transmití seksualmente ta aparesé mas òf ménos biaha i nos ta duna konseho na dunadónan di kuido i trahadónan di maneho.
Share Page
