Ora bo ta bai biaha

Biaha na un manera seif

Salubridat Públiko ta ofresé konseho tokante e riesgonan di salú den e pais ku bo ta bishitá i ta yuda bo ku e bakunashonnan korekto di biahe.

Den eksterior tin otro tipo di malesa ku na Boneiru. Sierto di nan ta peligroso, manera kentura hel, hepatítis òf tífùs di barika. Kada pais tin un otro konseho di biahe. Salubridat Públiko ta duna biaheronan konseho tokante bakunashon, pero Salubridat Públiko ta duna otro tipo di konseho di biahe tambe pa prevení malesa.

Algun ehèmpel:

  • Bakunashon, manera kontra kentura hel, por ta obligatorio pa biaheronan ku ta bai sierto paisnan. Bo tabata sa por ehèmpel ku bakunashon kontra kentura hel ta obligatorio pa biaheronan ku durante e 10 dianan promé ku nan yegada na Boneiru tabata den un region di riesgo haltu, manera Colombia òf Brasil. Esaki ta konta tambe pa beibi for di 9 luna. Salubridat Públiko ta duna konseho tokante kua bakunashon ta nesesario pa bo destinashon di biahe.
  • Aparte di sangura, pushi, kachó, makaku i raton djanochi tambe por transmití malesa. Salubridat Públiko ta duna biaheronan konseho tokante kiko ta mihó pa nan hasi ora bestia morde òf uña nan.
  • Malaria ta aparesé hopi den Amazónas. Tablèt kontra malaria por yuda pa prevení un kontagio ku malaria. Salubridat Públiko ta konsehá biaheronan ku ta bai regionnan kaminda tin malaria, i ta duna resèpt tambe pa tablèt kontra malaria.
  • Tin hende ku ta haña molèster di malesa di altura ora nan biaha bai regionnan haltu, manera Machu Picchu òf La Paz na Bolivia. Salubridat Públiko ta duna konseho pa prevení malesa di altura i ta duna konseho tokante kiko mester hasi ora tin keho di malesa di altura. 

Pa mas informashon òf pa traha un sita bo por akudí akinan: