Mi por pasa e angua kontra corona i e angua kontra grip na mes momentu?
Si, bo por pasa e angua kontra grip i e angua kontra corona na mes momentu. Pa medio di investigashon nos sa ku esaki ta seif.
Wak akinan pa un bista general di e dianan di pasa angua.
Ta seif si e angua kontra corona ta di un otro marka kompará ku e anguanan kontra corona ku mi a pasa anteriormente?
Si. Na Boneiru nos ta usa e bakuna di Pfizer. No ta importá si anteriormente bo a pasa angua kontra corona ku un otro marka di bakuna. Si anteriormente bo a pasa e angua kontra corona di Moderna, AstraZeneca òf Janssen, trankilamente bo por pasa e angua di Pfizer.
Kuantu ta dura promé ku un angua kontra corona traha, despues ku bo a bakuná?
E angua kontra corona ta kuminsá traha despues di 7 dia.
Kua ta e posibel efektonan sekundario di un angua kontra corona?
Despues di pasa e angua bo por haña keho, esaki ta sosodé tambe ora bo pasa otro angua manera e angua kontra grip. Despues di pasa e angua kontra corona, tin ora hende tin keho manera kentura, doló di kabes i kansansio. Mayoria biaha esaki ta dura 1 – 3 dia.
Te ainda nan ta konsehá pa ora pasa e angua kontra corona, bo tin ku warda 15 minüt na e sentro di pasa angua despues ku mi a pasa e angua?
Si. European Medicines Agencies, EMA, i World Health Organisation, WHO ta konsehá un tempu di espera di 15 minüt despues ku un hende pasa e angua kontra corona. Esaki ta konta pa tur angua kontra corona, pues pa esaki tambe.
Kisas mi tabatin un reakshon alérgiko despues di a pasa un angua kontra corona. Mi por pasa e angua nobo kontra corona?
Tuma kontakto ku bo dòkter di kas. Bo dòkter di kas ta disidí si bo por pasa e angua kontra corona na e sitio di pasa angua. Òf e ta referí bo na e spesialista na Fundashon Mariadal. Na Fundashon Mariadal nan ta wak un biaha mas si bo por pasa e angua kontra corona.
Mi a haña corona i mi a pasa dos òf mas angua kontra corona. Mi tin mester di e angua kontra corona atrobe?
Si. Despues di tempu e protekshon di e anguanan kontra corona ta bira ménos. Esaki ta nifiká ku e chèns ta mas grandi ku bo ta bira gravemente malu den kaso di un kontagio. Òf ku hopi tempu despues di e kontagio bo ta keda ku keho, esaki nan ta yama tambe Long COVID. Debí na e angua nobo kontra corona nobo bo tin mihó protekshon kontra COVID-19.
