Salú na trabou
Durante bo trabou bo ke keda salú. Tin ora bo ta kore riesgo tòg pa pega ku un malesa di infekshon. Un bakunashon por protehá bo. Bo ta kordialmente bon biní na Salubridat Públiko pa konseho i pa bo bakunashonnan.
Mi ta un dunadó di trabou
Ser un bon dunadó di trabou ta nifiká entre otro ku bo ta sòru pa un sitio di trabou salú i seif pa bo empleadonan. Salubridat Públiko ta aliviá empresanan i formashonnan pa medio di ofresé informashon, bakunashon i prueba di bakunashon. Pa konseho tokante kua ta e bakunashonnan ku ta nesesario den kua sektor, bo por konsultá bo dòkter di trabou òf e servisio di arbo.
Mi ta un empleado
E dos bakunashonnan mas tantu duná pa sierto sektornan, stazjèrnan i studiantenan ta:
| Hepatítis B | Bo tin un profeshon den kua bo por bini den kontakto ku sanger òf otro líkido di kurpa? Bo ta traha por ehèmpel den kuido, prosesamentu di shushi, komo (asistente di) djentista, komo persona ku ta pone ‘piercing’ òf tatuahe, òf komo spesialista di beyesa? E ora ei bo ta kore riesgo di kontagio ku hepatítis B. Esaki ta un infekshon di higra. Bo ta haña 3 bakunashon, i despues di esaki ta bon pa kontrolá e antikurpanan kontra hepatítis B (determinashon di titer). |
| Tétano (DTP) | Pa hopi profeshon nos ta konsehá un bakunashon kontra tétano, pensa riba prosesamentu di shushi i trabou ku bestia. |
Salubridat Públikopor duna informashon, hasi e bakunashonnan òf entregá un prueba di bakunashon Pa un sita bo por tuma kontakto ku Salubridat Públiko na e number di telefòn +599 715 5324 òf manda un email pa e departamento di kombatimentu di malesa di infekshon izb@bonairegov.com.
